ღஐ°»-(`·.منتدى الفنان محمد سوبر ستار للمواهب والفنون.·´)-»°ஐღ

& مواهب & فنون & برامج & أفلام & صور & العاب & فضايح & اسلاميات &
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  قائمة الاعضاءقائمة الاعضاء  المجموعاتالمجموعات  دخول  

شاطر | 
 

 عم مغاورى وقصته مع الكمبيوتر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
SuperStar
Admin
Admin


عدد الرسائل : 203
العمر : 32
Localisation : EgYpT
تاريخ التسجيل : 21/04/2007

مُساهمةموضوع: عم مغاورى وقصته مع الكمبيوتر   الأربعاء أبريل 25, 2007 2:02 am

queen


عم مغاوري هو اللي مربيني وانا صغير ودايما يقولي ياواد ياخالد اوعى تكون فكرت نفسك

عشان كبرت وبقيت مهندس هتكبر علي ياولا ، دانا اللي مربيك من ايام ماكان عندك سنتين

وكنت تقعد على باب داركم ومناخيرك سايحة ولما تشوفني تعيط وماتسكتش

غير لما آخدك عند التوتة اللي على راس الغيط واجيب لك توت من الاسود وتقعد تاكله

وتلغمط وشك بالتوت لحد مايبقى شكلك عامل زي بنات الايام دي حاطين على وشهم الاحمر والاصفر

وعاملين شكل البلياتشو ويقعد يحكي لي حكايات عن نفسي لما كنت صغير كلها فضايح .



المهم جاني امبارح عم مغاوري وقال لي

"هو انت ياولا ماوراكش غير المحروق ده اللي اسمه الكمبلوتر وكل ماجي الاقيك داخل على

مستوى التربية والتوجيه (يقصد منتدى التسلية والترفيه) عمال تضحك وتكتب نكت

وعمري ماشفتك بتعمل حاجة مفيدة بالكمبلوتر ده ، بقى اسمع اني جاي لك النهاردة

عشان نشوف طريقة نستفاد بيها من الكمبلوتر في البلد" .

أنا : تؤمر ياعم مغاوري

مغاوري : انا امبارح كنت عند الواد صميدة بن ابو الغيط ، مانت عارف انه من يوم ماسقط في الثانوية

راح فتح ورشة تصليح كمبلوتر ، وعرفني شوية حاجات كده عن الكمبلوتر قلت اجي استفاد من

الكمبلوتر بتاعك بدال ماهو مالوش لزمة .


أنا : حاضر ياعم مغاوري .

مغاوري : أول حاجة ، فين لوحة الأم ؟

انا : آه تقصد الماذربورد ؟ جوة الجهاز .

مغاوري : بتعمل ايه جوة الجهاز ؟ انت ماتعرفش ياولا ان فيه ناس رسامين بيبيعوا لوح بالألافات

وبعدين دي لوحة عن الأم وعيد الأم كان لسة قريب ماتيجي نوديها مصر يمكن تجيب قرشين .

أنا : بس ياعم مغوري .......

مغاوري : مافيش بس وبعدين قل لي فين المروحة بتاعة الكمبلوتر ياولا ؟

أنا : برضه جوة الجهاز ؟

مغاوري : وبتعمل ايه جوة الجهاز يامقصوف الرقبة ؟ الصيف داخل والدنيا حر ماتطلعها

نتهوى بيها شوية .

أنا : بس المروحة دي صغيرة قوي ياعم مغاوري .

مغاوري : صغيرة صغيرة ، نحطها في اوضة صغيرة على قدها ؟ وبعدين قل لي ياولا ،

مش الهارج جيسك بتاع الجهاز فيه ماطور ؟

أنا : أيوه ياعم مغاوري ، ماله ده راخر ؟

مغاوري : جاك ملة على جنابك ، انت مش عارف ان الماطور بتاع ماكنة الري بتاعتنا عطلان

وباعتين نجيب واحد من البندر من شهرين ؟ ماتدينا الماطور بتاع المدعوق ده وانا كلي نظر

لما نجيب الماطور من البندر هارجعهولك على طول .

أنا : الحكاية مش كده خالص ياعم مغاوري ، الموتور بتاع الهارد لو طلعته الهارد يبوظ

، وبعدين الموتور ده ........


مغاوري : ايوه ياخويا كل ماقولك حاجة تتهرب ، ماهو اني لازم استفاد مالكمبلوتر يعني لازم استفاد

، قل لي ياولا الواد صميدة (الله يخرب بيتك ياصميدة) قال لي ان الكمبلوتر فيه حاجة لمكافحة الديدان .

أنا : تقصد worm ، دي برامج مكافحة فيروسات .

مغاوري : ماتتفلسفش علي يالا وتتكلم بالانجليزي ، اني عاوز البرامج بتاعة الفيروز والدود دي

عشان نجمع بيها الدودة من القطن ، وبدل مانجيب انفار يكلفونا دم قلبنا يبقى الكمبلوتر

هو اللي ينقي الدودة .


أنا : ياعم مغاوري ماينفعش ، أنا ............


مغاوري : وبعدين ايه التلفزيون ده ؟

أنا : ده مش تليفزيون ده مونيتور ياعم مغاوري .

مغاوري : انت هتستسهبل على ياولا ؟ داني شايفك بعنيا بتتفرج فيه على الأفلام والمرسحيات

والكارتون بتاع العيال ، أني هاخده .

أنا : ماهو ياعم مغاوري ، ده ماينفعش يشتغل من غير الكمبيوتر وبعدين ......

مغاوري : عنه ماشتغل ، آني هخده وافكه واعمله صندوق للحمام يبيض فيه ، الحمامة من دول

بتطلع في الشهر جوز زغاليل (حمام صغير) بالشئ الفلاني أفيد من اللعب اللي انت طول النهار بتلعبه .


أنا : ياعم مغاوري أنا بتعلم برامج جديدة وبعدين انت مش فاهمني .......

مغاوري : كنت اتعلم من زمان ياخويا ، وآخرتها تقول علي مابافهمش ياقليل الحياء ،

اني الظاهر هادوقك العصا زي زمان ، وكمان لما ييجي ابوك هقوله اخليه يبيع المخروب ده

ويشتري بتمنه حاجة مفيدة .

أنا أهرب خارج الغرفة : طب بس اديني فرصة اشرح لك ياعم مغاوري .....

وهكذا انتهت أو لم تنتهي قصتي مع عم مغاوري
queen
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WWW.SuperStarELaraB.Jeeran.Com
 
عم مغاورى وقصته مع الكمبيوتر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ღஐ°»-(`·.منتدى الفنان محمد سوبر ستار للمواهب والفنون.·´)-»°ஐღ :: المنتدي الأدبي :: قسم القصص والحكايات-
انتقل الى: