النكت دية من عندى جامدة موت .... اسمعوا وقلولى اية رأيكم

مرة فى عيادة فيها دكتور أحول دخل عليه شخص أحول قال له ما تدخلوش بالأثنين قالة مش جايلك انت

واحد محشش فتح محل سماه منجره الاقمشه الكهربائيه لحلاقه الاحذيه الطازجه

مفاجأة الموسم شركة روتانا تقدم المطرب المتألق ( إبليس (في شريطة الجديد ( مش حخش النار لوحدي ) !

*قزم عطس..... راسه اتخبطت فى الارض

*واحد كسلان اوى اتجوز واحده حامل

مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله

اتنين صحاب واحد قال للتاني اعلمك الرزالة وتعلمني الرخامة ؟؟ قاللوا ماشي راح صاحبه قال هي دي الرزالة وجاب التليفون وطلب رقم غلط وقال هشام موجود ؟ قالوا له الرقم غلط طلب تاني هشام موجود ؟ قالوا الرقم غلط وكرر كده كذا مرة وقال هي دي الرزاله راح صاحبه قالله هات التليفون وطلب نفس الرقم وقال انا هشام حد سال عليا ؟؟؟؟؟ وهي دي الرخامه...

مره واحد حب يشتري فراخ فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه فراجل قاله بص احنا معندناش فراخ بس ايه رايك في النظام؟

احد قال لصحبه: أعايز أبيع عربيتي التيوتا بسعر غالي .

قال له : بسيطة غير علامة التيوتا و حط لها علامة مرسيدس

بعد اسبوع شافوا بعض قال له : ها بعت العربيه

قال : في حد يبيع مرسيدس !!!!!!!!!!!

واحد معدى لقى ناس بتهيص قوى قالوهم فية اية
قالوله فى واحد بلدياتنا عايز ينط من سطح العمارة
قالهم خلاص انا طالعلة.. طلعلة وقاله عايز تنتحر لية
بلدياتنا قاله اصل انا غبى وكل الناس بتقول علي غبى
راح الراجل قايله: هاقولك فزوره لو حلتها ماتبقاش غبى .. حاجة اسمها زى شكلها
بلدياتنا: ماخبرش
الراجل: البيضة
اقولك واحدة تانية .. حاجتين اسمهم زى شكلهم
بلدياتنا :ماخبرش
الراجل: بيضتين
اقولك واحدة تالتة بسيطه و سهله .. حاجة كبيرة وسودة وبتجيب لبن واسمها جاموسة أسمها ايييييه ؟؟؟؟؟؟؟
بلدياتنا قاله: 3 بيضات
الراجل قام مديله بالشلوت موقعه وقايل له : موووت يا حماااار

واحد سرق كرسي من القهوة وطلع يجري ... صبى القهوة شافه اخد ديله ف سنانه و جري وراه ... قام الحرامي لمحه بيجري وراه ....... راح وقف فى نص الطريق وقعد على الكرسى .. قال للاهوجي هات لى واحد شاي

استاذ سال تلميذ الثعلب بيولد ولا بيبيض قاله ده مكار اتوقع منه اي حاجه

_________________
نحن لا نود إجباركم على الرد بأى وسيلة كانت كإخفاء الروابط حتى يتم الرد أولا أو غيرها من الوسائل المهينه فى نظرى لشخصية العضو ,, فلا تحبط من استقطع من وقته وجهده ليسخره فى كتابة موضوع ورفع محتوياته... لا تبخل وأرفع من معنوياته حتي بكلمة شكر